قصة حب فيصل والنملة <<< قصة رومنسية مدري وش تبي هع هع

قصـ9 حب بين رٍجـل وٍنملـ9 ( مؤثرهـ جدآ )
السلام عليكم

قصتي بدت وانا بجامعة القصيم كنت جالس بالقاعة عندي محاضرة والدكتور يشرح وانا منتبة لشرح

وفجأهـ واسمع ذاك الصوت الغريب يقول فيصل فيصل واطالع يمين ويسار كل الطلبة ساكتين والدكتور يشرح

استغربت انا منين يجي الصوت واسمع الصوت مره ثانية يقول فيصل فيصل واشوف الا وهذا الي واقف

فوق الماصة نملة من يوم شفتة وانا اروح وطي وش اقول ووش اخلي سواد ولا سواد الليل خصر والا خصر

هيفا وهبي وقوام غير طبيعي سبحان الي خالقها من يوم شفتها خقيت معها .

قالت : فيصل قلت : هلا < وفجأة الا كل الطلاب يطالعوني والدكتور سكت

قال الدكتور : بتقول اية يافيصل قلت : لا لا مافية شي

كمل الدكتور شرحة قالتلي النملة : انا عندي مشكلة كبيره مره قلت : وش مشكلتك

والطلبة يضحكون والدكتور معصب قال الدكتور : اخرج برا يافيصل

يوم جيت ابطلع والنملة تمسك يدي وتحط عينة بعيني وانا حاط عيني بعينة بصراحة وليت معة استمرينا كذا
عشر ثواني


شافني الدكتور واعتقد اني اعاند قالي الدكتور : اخرج يافيصل بسرعة

قالتلي النملة : خذني معك يافيصل

وانا اخذها واحطها بمخباتي واطلع واخذها بالسياره واحطها جنبي بالسيارهيوم وصلت لشقتي وانا انزل وانزلها بكل رفق واجلس انا واياها بالشقة

يوم جلسنا بالشقة الحالنا حسيت بشعور غير طبيعي

بصراحة مانلام اول مره اجلس مع نملة لحالنا لا وهذي النملة بجمال نملتي هذي

انا ساكت مدري وش اقول وهي جالسة بجنبي

قالت: فيصل انا عندي مشكلة كبيره وانا ابيك تحلها

قلت : ابشري بعزك

قالت < مشكلتي مع صرصور ابو نص شنب ( سمي بهذا الاسم لأن نصف شنبـ9 الايسر محلوق )

قلت : قولي وش الي صار بينك وبينة

قالت : كنت اتمشى وفجاة لقيت نفسي قريبة عند احدى البلوعات ( وانتم بكرامة )

الا وهذا الي يويق من البلوعة صرصور ابو نص شنب

يوم شافني قالي : يازين يماشي على هونك دخيلك وقف وكلمني
انا طالعتلة بنص عين وزرقتة

رجع الصرصور وقال : وش فيه الحلو متكبر علينا ( باين عليـ9 مغازجي ابو الشباب ) ههههههههه

وهو يطش علي الرقم وانا اخذه اخذتة كذا حب استطلاع

وانا بالبيت قلت ليش مادق علية استعبط علية

قلت : الو

قال : هلا وغلا بالصوت الناعم من الحلو الي داق هالمره

قلت : انا النملة الي قابلتك

قال : ايهم النملة السودا او البيضا او ام جنحان ( ابو الشباب مراهق لدرجة الضياع ) ههههههههههه

قلت : ماشاللة تعرف هذولي كلهم وتبيني اكلمك

قال : لا بس انتي الاولى والاخيره ( نصاب هالصرصور ) ههههههههه

قلت : انا النملة السودا

قال : هلا بسواد الليل

واستمرينا على هالحال

وكان يقولي كلام حلو وبيني وبينك يافيصل انغريت فية وصرنا نتقابل بصراحة وبدون اي كذب حصل شفشفة

( ماتدري اني ذايب مع شفتها )

وفي يوم وهو يشفني سوا حركة مي زينة

وانا اطلع من عندة وانا زعلانة

وهو يدق علي وانا ارفع السماعة

قال : الو

قلت : نعم وش تبي انت ( تبكي )

قال : بدون اي كلام ترا كل الصور والفيديو الي مصورك ابوديهم اهلك

انا مادريت انة مصورني الحقير

انا خفت وبنفس الوقت انا نملة شريفة ومابي احد ينتهك عرضي

وانا الحين ابيك تساعدني بس انتهت القصة ...

قلت انا لنملة : ابشري بس هو وينة ومالك الا الي يفقع وجهة

قالت : انت ماتعرف صرصور ابو شنب تراه قوي ومن عايلة معروفة

قلت : انتي ماعليك بس قوليلي هو بي بلوعة ( وانتم بكرامة )

قالت : ببلوعت الصراصير المراهقة

قلت : وانا وش عرفني بالبلوعات

قالت : انا ادللك ..... وصفتلي المكان وعرفت وين .....

وانا انقيلك هاك النعلة ( وانتم بكرامة ) اليسرى الي هذي زينة وانا المعة وانضفة لين صارت تلق....وانا اروح يم البلوعة واكون بعيد عنها شوي علشان اني متفق مع النملة انها تروح وتقول ياصرصور ابو نص
شنب اطلع
واذا طلع وقابلة تقول النملة لصرصور انقز يابو نص شنب وضمني ...... وبعدين ابدا انا المهمة......

قالت النملة يوم راحت يم البلوعة : صرصور ابو نص شنب اطلع انا جيت

طلع الصرصور ابو نص شنب وانا اراقبهم من بعيد ....

قابل الصرصور ابو نص شنب النملة وهو يبتسم ابتسامة عريضة

يوم شفت الصرصور ويطير عقلي......شفت الصرصور كبيييير مره وسنونة متكسرات وبنص شنب واعور
وشعره كثير
ووجة مطعون بسكين بالعربي عربجي وبقووه

ألمهم ..... يوم قالت النملة لصرصور انقز يابو نص شنب وضمني

وانا اتجهز ........

يوم نقز ابو نص شنب ....... وهو بالهو يبي يضم النملة ...

وانا ارصة بالنعلة لين لصقتة بالجدار والنملة تخاف وتبعد عن المعركة

وانا اجيلك على الصرصور وانقز علية وامسك ثوبة وهو الي يمسك ثوبي ومادريت الا وهو رافعني فوق
ومنزلني تحت ويرفعبي الارض وينزلني ( ياقو هالصرصور )
وهو يرصني الصرصور على الجدار رافعني فوق

ويقولي : اسمع اذا جيت الرجل لاتجية غدر انت ماتعرف الصرصور ابو نص شنب ( أمش )
النملة يوم شافتني مرصوص على الجدار .....

وهي الي تقول : يااااااااافيصل ترا موت الصرصور ابو نص شنب مهري ( بصوت عالي )

يوم سمعت هالكلمة ويجيني نشاط والا اندرتيكر او ستيف فوستن....

ألمهم .... وانا امسك الصرصور وارفعة فوق وانزلة بقو ماعندي وادوسة برجلي لين طلعت ريحتة ومات ابو نص
شنب ....
يوم مات ومادري الا وهالي ناقز علي ويضمني النملة .... تضمني وتبكي ....

يوم ضميتة وانا ادوخ معة واروح وطي

المهم تزوجتة واروح لحايل واخذة معي طبعا عطلة

تزوجت النملة بالقصيم واخذتة حايل ...

طبعا كانت تغير علي من اي شي ( اكيد زوجة انا ) هههههههههه

حتى انها كانت تغير علي من امي بعد

ومره من المرات جتني امي

وقالتلي : يافيصل ترا لقيتلك بنت الحلال وابيك يوم الخميس نروح نخطبها لك.....

انا انصدمت وجاني غثيان وتعب كيف اتزوج على نملولتي ( ادلعة انا ووجهي .... بس مانلام )
ههههههههههههه
المهم ....

قالتلي النملة : فيصل وش فيك تعبان ( انا لازم اقول الحقيقة )

قلت : طول اللة عمرك هذي امي

قالت : وش تبي هذي امك بعد ( ماقلتلكم تغير من امي بعد ) ههههههههههه

قلت : تبيني اتزوج

وهي الي تشهق شهقة غير طبيعيى وتطيح مغمى عليها

وانا اوديها يم المستشفى شايلة بيدي

واقول لدكتور : تكفى يادكتور شف المدام وش فيها

الدكتور : يدور المريضة او المدام وماشاف شي واعتقد اني مجنون

يوم وريتة النملة وهو يتاكد اني مجنون ( بصراحة انا مجنون بحبها ) ههههههههههههههه

المهم....

اخذ النملة وانا انتضر باحر من الجمر...

وربع ساعة وهو يطلع الدكتور مبتسم ابتسامة عريضة

وانا اركض يمة واقول هاة بشر وش فيها

قالي : مبروك المدام حآآآآآآمل

فرحت فرح غير طبيعي وانا ادخل عليها وانقز على السرير واضمة من الفرحة

واقولة : مبرووووووك خلاص ماراح اتزوج عليك انتي حبي الاول والاخير

وانا اخذه للبيت وبعد تسع اشهر وهي تجيب المولود ( ولدي )

ماشاللة تبارك اللة طالع علي وعلى امة راسة علي والجسم على امة ( تخيلووووو ) هههههههههههه

قلت لنملولتي ( دلع ) هههههههه : لازم نروح سياحة لشرقية....

قالت : ايواللة

قلت : ياللة جهزي اغراضك

رحنا لشرقية ..........

ورحنا للبحر وحنا بالبحر لبسة النملة لباس السباحة يوم شفتة بلباس السباحة وانا ادوخ وش هالخصر والا
الجسم خلها على اللة بس واللة والا عارضت ازيا ماشاللة نملة والا اي نملة ....
انا مصبرت اشوف الجسم هذا وانا ساكت

وانا اخذه بيدي واقربة عند وجهي وابوسة

قلتلة وهي بيدي : انتي احلى نملة شفتة بحياتي

قالتلي وبخجل : وانت احلى واحد بحياتي ( رومنسية فديت خدودة )المصيبة الكبرى حدثت هنا ؟؟؟؟؟؟؟

المهم ....

وانا شايلة بيدي ..... فجأهـ عطست ..... وهي الي تطير وتغرق




وانا اطبح بالبحر ابي انقضة ... ولكن فات الاوان حبي غرق ومات وبقيت انا وحداني

بدون حبيب ..... بكيت عليها وجتني امراض وصارت عيشتي زفت

قلت لازم انتحر واقابلة هناك

وانا اركب فوق اكبر مبنى بالشرقية

ومن عاشر دور .... طبحت وانا اقول باعلى صوتى : جآآآآآآآآآآآيكـ يآآآآآآآآآنملولتي......

يوم مت حدثت هنا خيـــــآنـة .....

تدرون وش لقيت ..... يوم انا ميت مع الاموات ....

لقيت نملولتي لابسة ملابس بيضة وترقص مع صرصور ابو نص شنب .......

وتجيني العبره الا وهي خمس ثواني وانا ابكي بصوت عااااااالي

قول : خيـــــــــــــآآآآآنــــــــــة
وهي تلتفت على الصوت وهي تبكي .......

والصرصور يطالعلي ويضحك هو واسنونـ9 المتكسرهـ اللأ9 لا يوفقـ9 .............................

ألى هنا انتهت قصتي الحزينة .................................................. .......................

............... والسلام خير ختام ..................................................

مع تحياتي مجروح والدم ينزف

ههههههههههههههههههههههههههه العفوووووووووووووووو

والله ان النمله احلى من بنات السعوووديه<<<<<<<<خخخخخخخخخخخخخخخخخخخ

مــشكووورر

يــعطــيك العـــافــية