مهزلة المستوصف الاهلي بحائل .. استغلال بلا حدود

السلام عليكم ورحمة الله وبركاته

ادفع 120 كشف .. 120 اشعه .. 600 تحاليل .. 30 بدل دور
هذي قصتي باختصار

طيب 120 كشف هذي اخبر الاستشاري ياخذ 100 والاخصائي 40 او 50 باغلب المستشفيات الكبيرة بعد
طيب هذا اخصائي طبعا عرفتوه السادات اخصائي نساء وولادة قلنا ياخذ فوق الاستشاري مايخالف سكتنا

لكن يوصل فيهم الطمع والاستغلال الناس انك تدفع 30 ريال بدل دور هذي قووووويه يعني عشان دوري عدا ادفع ليه هذي وين صارت يعني مااقدر اخذ رقم بكرا ليه طبعا الكل عارف الزحمه 60 او 70 رقم باليوم واذا تبي موعد بعد اسبوع او عشر ايام

يعني لو بعد الدوام تاخذ دور مايخالف لكن بنفس دوامه وتاخرت رقمين تدفع اي استغلال هذا
يعني عشان دكتوركم شاطر تستغلوننا كذا

طيب الموضوع ماهو سهل لازم مراقبه من وزارة الصحه لهالمستوصفات اللي ماتخاف الله
لازم يكون فيه مبلغ محدد مايكون استغلال مثل كذا

ارجو من جميع المتضررين ابداء ارائهم عن سوء النظام والاستغلال الحاصل فيه

ولكم جزيل الشكر

الله يعطيك العافيه